اسسٹنٹ کمشنر گجرات بلال زبیر نے رات گئے عزیز بھٹی شہید ہسپتال کا دورہ کیا اور گیس سلنڈر لیکیج کے باعث پیش آنے والے افسوسناک واقعے میں زخمی ہونے والے افراد کی عیادت کی۔ اس موقع پر اسسٹنٹ کمشنر بلال زبیر نے ایم ایس عزیز بھٹی شہید ہسپتال اور ڈاکٹروں سے زخمیوں کی صحت اور علاج معالجے کی صورتحال کا تفصیلی جائزہ لیا۔ انہوں نے ڈاکٹروں کو ہدایت کی کہ زخمیوں کو بہترین اور فوری طبی سہولیات فراہم کی جائیں اور ان کی دیکھ بھال میں کوئی کمی نہ چھوڑی جائے۔

انکا کہنا تھا کہ واقعے کے باعث زخمی ہونے والے افراد میں سے ایک کی حالت نازک ہے، جس پر اسسٹنٹ کمشنر نے مزید احتیاطی تدابیر اختیار کرنے اور ہر ممکن تعاون کو یقینی بنانے کی ہدایت دی۔ اس حوالے سے ہسپتال انتظامیہ اور ریسکیو 1122 کی ٹیم کے درمیان فوری رابطہ قائم کیا گیا۔