ڈپٹی کمشنر صفدر حسین ورک کی ہدایات پر اسسٹنٹ کمشنر سرائے عالمگیر محمد اکمل نے سبزی و فروٹ منڈی،بنیادی مرکز صحت کریالہ اور شہر کے مختلف علاقوں کا دورہ کیا، اسسٹنٹ کمشنر سرائے عالمگیر محمد اکمل نے سبزی و فروٹ منڈی میں نیلامی کے عمل اور ریٹ لسٹوں کے اجراء کے عمل کی نگرانی کی، اسسٹنٹ کمشنر سرائے عالمگیر محمد اکمل نے کہا کہ دکاندار حضرات ریٹ لسٹ نمایاں مقامات پر آویزاں کریں اور ضلعی انتظامیہ گجرات کی طرف سے مقرر کردہ نرخوں پر اشیاء خوردونوش کی فروخت یقینی بنائیں بصورت دیگر سخت کارروائی عمل میں لائی جائے گی، مارکیٹ میں ڈیمانڈ کے مطابق اشیاء خوردونوش کی فراہمی یقینی بنائی جائے، بنیادی مرکز صحت کریالہ کے دورہ کے موقع پر فراہم کردہ طبی سہولیات، صفائی اور ڈاکٹرز و عملہ کی حاضری چیک کی، بعدازاں انہوں نے جی ٹی سمیت شہر کے مختلف علاقوں کا دورہ کیا اور میونسپل کمیٹی سرائے عالمگیر کی طرف سے جاری صفائی مہم کا جائزہ لیا۔