ڈپٹی کمشنر صفدر حسین ورک کی زیر صدارت ڈسٹرکٹ کوالٹی کنٹرول بورڈ کا اجلاس**

ڈپٹی کمشنر صفدر حسین ورک کی زیر صدارت ڈسٹرکٹ کوالٹی کنٹرول بورڈ کا اجلاس منعقد ہوا، جس میں جعلی، غیر معیاری اور بغیر لائسنس ادویات فروخت کرنے والوں کے خلاف کارروائیوں کا جائزہ لیا گیا۔ ڈپٹی کمشنر صفدر حسین ورک نے کہا کہ عطائیوں اور جعلی ادویات بیچنے والے افراد کے خلاف بلاتفریق کارروائی کی جائے گی۔ ڈیوٹی میں غفلت برتنے والے ڈرگ انسپکٹرز اور متعلقہ عملے کے خلاف بھی سخت کارروائی کی جائے گی۔ انہوں نے مزید کہا کہ کسی کو شہریوں کی صحت کے ساتھ کھیلنے کی اجازت نہیں دی جائے گی۔ اجلاس میں ایڈیشنل ڈپٹی کمشنر جنرل افضل حیات تارڑ، ڈی ایچ او ڈاکٹر غمخوار حسین شاہ، سیکرٹری کوالٹی کنٹرول بورڈ مہوش ابرار، ڈاکٹر افضل چوہدری اور ڈرگ انسپکٹر شاہد الحسن بھی موجود تھے۔ اجلاس میں مجموعی طور پر 9 کیسز سماعت کے لیے پیش کیے گئے، جن میں سنگین نوعیت کے کیسز کو ڈرگ کورٹ ریفر کیا گیا جبکہ معمولی نوعیت کی خلاف ورزی کرنے والے میڈیکل اسٹور مالکان کو وارننگ جاری کی گئی۔ ڈپٹی کمشنر نے محکمہ صحت اور ڈرگ انسپکٹرز کو ہدایت کی کہ جعلی ادویات کا کاروبار کرنے والوں اور عطائیوں کے خلاف کریک ڈاؤن مزید مؤثر بنایا جائے۔ انہوں نے واضح کیا کہ بغیر کوالیفائیڈ عملے کے کسی میڈیکل اسٹور کو کام کرنے کی اجازت نہیں دی جائے گی اور خلاف ورزی کی صورت میں فوری کارروائی کی جائے گی۔