ڈپٹی کمشنر صفدر حسین ورک کی ہدایات پر ایڈیشنل ڈپٹی کمشنر ریونیو خضر حیات بھٹی نے شہر کے مختلف علاقوں کا تفصیلی دورہ کیا، جی ٹی روڈ، جیل چوک، بھمبر روڈ اور ریسٹ ہاؤس سمیت دیگر جگہوں میں صفائی ستھرائی کے انتظامات کا جائزہ لیا، اس موقع پرچیف سینٹری انسپکٹر نصراللہ اور دیگر موجود تھے۔ایڈیشنل ڈپٹی کمشنر ریونیو خضر حیات بھٹی نے شہر بھر میں جاری صفائی مہم کا جائزہ کیا، ایڈیشنل ڈپٹی کمشنر ریونیو خضر حیات بھٹی نے کہا ہفتہ صفائی مہم کے تحت شہر کی صفائی، بیوٹی فیکیشن پر خصوصی توجہ دی جارہی ہے، میڈیز، گرین بیلٹس کی صفائی یقینی بنائی جارہی ہے، شہریوں کی شکایات کا فوری ازالہ ممکن بنایا جارہاہے، روزانہ کی بنیاد پر سالڈ ویسٹ ڈمپنگ اسٹیشن اسٹیشن پر پہنچایا جارہا ہے۔ انہوں نے ہدایت کی کہ تمام سینٹری اسٹاف کی حاضری یقینی بنائی جائے غفلت برتنے والے افراد کے خلاف کاروائی عمل میں لائی جائے، شہر کو صاف اور خوبصورت بنانے کے لیے تمام تر وسائل بروئے کار لائے جارہے ہیں۔