ڈپٹی کمشنر صفدر حسین ورک نے ڈسٹرکٹ جیل گجرات کا دورہ کیا اور قیدیوں کے لئے لگائے گئے پانچ روزہ میڈیکل کیمپ کا افتتاح کیا، سی ای او ہیلتھ ڈاکٹر محمد عابد، سپرنٹینڈٹ ڈسٹرکٹ جیل اشتیاق گل، ڈی ایچ او ڈاکٹر ایاز ناصر، ڈاکٹر غمخوار حسین شاہ اس موقع پر موجود تھے۔ ڈپٹی کمشنر صفدر حسین ورک نے میڈیکل کیمپ میں فراہم کی جانے والی سہولیات کا جائزہ لیا اور قیدیوں سے خیریت دریافت کی، ڈپٹی کمشنر صفدر حسین ورک نے اس موقع پر گفتگو کرتے ہوئے کہا کہ ضلعی انتظامیہ قیدیوں کی فلاح و بہبود کے لیے خصوصی اقدامات کررہی ہے، میڈیکل کیمپ 13 تا 17 مارچ تک جاری رہے گا میڈیکل کیمپ میں ایچ آئی وی ایڈز ، ہپاٹائٹس، بی سی، ٹی بی سمیت دیگر بیماریوں کی اسکریننگ کی جائے گی اور علاج اور ادویات کی سہولت فراہم کی جائے گی ڈپٹی کمشنر صفدر حسین ورک نے کہا کہ جیل میں موجود قیدیوں کو علاج معالجے کی بہترین سہولیات کی فراہمی یقینی بنائی جائے گی۔اس سلسلہ میں محکمہ صحت گجرات وجیل انتظامیہ کے ساتھ مکمل تعاون ر گا،قیدیوں کی تعلیم، فلاح و بہبود اور قیدیوں کو ہنر مند بنانے کے لیے جیل انتظامیہ کے ساتھ مل کر مختلف پروگرامز چلائے جارہے ہیں تاکہ معمولی جرائم میں ملوث افراد سزا پوری کرنے کے بعد معاشرے میں باعزت زندگی گزار سکیں۔