ضلعی انتظامیہ گجرات اور ماڈل ٹاون ویلفیئر سوسائٹی کے زیر اہتمام موسم بہار کی جاری شجرکاری مہم کے تحت شجرکاری تقریب کا انعقا
ضلعی انتظامیہ گجرات اور ماڈل ٹاون ویلفیئر سوسائٹی کے زیر اہتمام موسم بہار کی جاری شجرکاری مہم کے تحت شجرکاری تقریب کا انعقاد کیا گیا ڈپٹی کمشنر صفدر حسین ورک نے بطور مہمان خصوصی شرکت کی اور پودا لگا کر علامہ پارک ماڈل ٹاون میں شجرکاری مہم کا آغاز کیا، ڈپٹی کمشنر صفدر حسین ورک نے کہا کہ موسم بہار کی شجرکاری مہم کے دوران ضلع بھر میں 2لاکھ 88ہزار پودے لگائے جائیں گے، گزشتہ ایک ہفتہ کے دوران 41900 پودے لگائے جاچکے ہیں،ہدف کے حصول کے لیے پرائیویٹ پبلک پارٹنرشپ ، سول سوسائٹی اور سرکاری محکموں کےتعاون سے پرائیویٹ اور سرکاری اراضی پر پودے لگائے جارہے ہیں، انہوں نے کہا کہ انڈسٹرلائزیشن سے ماحول خطرناک حد تک آلودہ ہوچکا ہے، گلوبل وارمنگ اور دیگر مضر اثرات سے بچنے کے لیے درخت لگانا نہایت ضروری ہے، درخت ماحول سے مضر اثرات کو جذب کرتے ہیں اور صحت افزاء اجزاء ماحول میں خارج کرتے ہیں، درخت آکسیجن کی پیداوار میں اہم کردار ادا کرتے ہیں، ہرشہری قومی فریضہ سمجھ کے اپنے اردگرد شجرکاری میں حصہ لے اور زیادہ سے زیادہ درخت لگائیں تاکہ آنے والی نسلوں کو ایک بہترین ماحول دیا جاسکے، ڈپٹی کمشنر صفدر حسین ورک نے گجرات ویلفیئر فورم کی کینسر اور آرتھوپیڈک ہسپتال کی تعمیر کے لیے کوششوں کو سراہا اور اس کارخیر میں بڑھ چڑھ کر حصہ لینے کی اپیل کی،سی ای او ایجوکیشن محمد اورنگزیب، ریینج فارسٹ آفیسر راشد بشیر چھٹہ، ماڈلُ ٹاون ویلفیر سوسائٹی کےسرپرست اعلیٰ مرزا لطیف اس موقع پر موجود تھے۔