ڈسٹرکٹ اوورسیز پاکستانیز کمیٹی کا اجلاس زیر صدارت ایڈیشنل ڈپٹی ریونیو عامر شہزاد کنگ اور ضلعی چیئرمین نعمان اکبر وڑائچ منع
ڈسٹرکٹ اوورسیز پاکستانیز کمیٹی کا اجلاس زیر صدارت ایڈیشنل ڈپٹی ریونیو عامر شہزاد کنگ اور ضلعی چیئرمین نعمان اکبر وڑائچ منعقد ہوا، اسسٹنٹ کمشنرز وقار حسین خاں، پولیس کے نمائندوں نے شرکت کی۔ اجلاس کو بتایا گیا کہ ضلعی کمیٹی نے ابتک بیرون ممالک مقیم پاکستانیوں رواں سال 73شکایات کا ازالہ کیا ہے، کمیٹی کو اب تک 98 شکایات موصول ہوئی 25 درخواستوں پر کاروائی جاری ہے۔ ایڈیشنل ڈپٹی کمشنر ریونیو عامر شہزاد کنگ نے ہدایت کی کہ اسسٹنٹ کمشنرز اور پولیس افسران زیر التوا شکایات کو ترجیحی بنیادوں پر نمٹائیں، ایڈیشنل ڈپٹی کمشنر نے کہا کہ وزیر اعلی پنجاب سردار عثمان بزدار کی ہدایات کے مطابق اوورسیز کی شکایات پر تیزی سے کاروائی کیلئے ضلع میں ریونیو، پولیس کمیٹیاں تشکیل دی گئی ہیں، اوورسیزکی فیملیز اور انکے پراپرٹیرز کا تحفظ یقینی بنایا جائے گا۔ ضلعی چیئرمین نعمان اکبر وڑائچ نے کہا کہ اوورسیز پاکستانیز کمیٹی گجرات فعال انداز میں بیرون ممالک مقیم شہریوں کی شکایات اور مسائل کے حل کیلئے پرعزم ہے اس مقصد کیلئے ضلعی انتظامیہ اور پولیس کا بھرپور تعاون نہایت معاون ثابت ہو رہا ہے۔