حکومت پنجاب کی ہدایات کے مطابق محکمہ صحت کے زیر اہتمام شہریوں کو ڈینگی کے حوالے سے شہریوں میں شعور بیدار کرنے کیلئے آگاہی وا
حکومت پنجاب کی ہدایات کے مطابق محکمہ صحت کے زیر اہتمام شہریوں کو ڈینگی کے حوالے سے شہریوں میں شعور بیدار کرنے کیلئے آگاہی واک کا انعقاد کیا گیا جس کی قیادت ڈپٹی کمشنر ڈاکٹر خرم شہزاد نے کی، چیف ایگزیکٹو آفیسر ہیلتھ ڈاکٹر نعیم اختر جنجوعہ، ڈی ایچ او ڈاکٹر ایا ز ناصر چوہان، ڈپٹی ڈائریکٹر ڈویلپمنٹ جہانگیر بٹ،محمد دانش مرزا پی ایس او ، ڈی ڈی ایچ اوز ڈاکٹر سید غمخوار حسین، ڈاکٹر عمر و دیگر نے شرکت کی۔ ڈپٹی کمشنر ڈاکٹر خرم شہزاد نے خطاب کرتے ہوئے کہا کہ حکومت پنجاب کی ہدایات کے مطابق ضلع میں انسداد ڈینگی کیلئے تمام وسائل بروئے کار لائے جارہے ہیں، سرویلنس ٹیموں کو فعال کردیا گیا ہے اور تھرڈ پارٹی آڈٹ یقینی بنایا جارہا ہے، مشتبہ مریضوں کی بروقت رپورٹنگ، پازیٹو مریضوں کے علاج، سپرے کے لئے بھی ضروری انتظامات کئے گئے ہیں۔ انہوں نے کہا کہ ڈینگی کی روک تھام کیلئے شہریوں کا کردار نہایت معاون ثابت ہو سکتا ہے، شہری اپنے گھروں، کاروباری مقامات کی صفائی یقینی بنائیں، کسی جگہ پانی کھڑا نہ ہونے دیا جائے۔