ڈپٹی کمشنر محمد اورنگزیب سدھو نے تحصیل ہیڈکوارٹر ہسپتال کھاریاں کا دورہ کیا
ڈپٹی کمشنر محمد اورنگزیب سدھو نے تحصیل ہیڈکوارٹر ہسپتال کھاریاں کا دورہ کیا، اسسٹنٹ کمشنر کھاریاں سلیمان اکبر ان کے ہمراہ تھے ڈپٹی کمشنر محمد اورنگزیب سدھو نے ہسپتال کے مختلف شعبہ جات، ایمرجنسی، آپریشن تھیٹر، ڈسپنسری کا معائنہ کیا انہوں نے ہسپتال میں صفائی کی صورتحال اور ڈاکٹر و عملہ کی حاضری کا جائزہ لیا، ڈپٹی کمشنر محمد اورنگزیب سدھو نے کہا مریضوں کو بہترین طبی سہولیات کی فراہمی یقینی بنانے کے لیے تمام وسائل بروئے کار لائے جائیں، ہسپتال میں مریضوں کو فری ادویات اور ٹیسٹوں کی سہولیات فراہم کی جائیں ڈاکٹر و طبی عملے کے حاضری جاری کردہ روسٹر کے مطابق یقینی بنائی جائے انہوں نے ہدایت کی کہ انتظامی افسران باقاعدگی سے ہیلتھ مراکز کا دورہ کریں اور جہاں جہاں سہولیات کا فقدان نظر آئے فورا رپورٹ کیا جائے گا ہسپتالوں میں طبی آلات کی مرمت فوری کروائی جائے کوئی طبی آلات کسی ہسپتال میں خراب نہ پایا جائے مریضوں کو بہترین طبی سہولیات کی فراہمی یقینی بنائی جائے