ڈپٹی کمشنر محمد اورنگزیب سدھو نے کہا کہ شہریوں کو پیٹرولیم مصنوعات کی بلا تعطل فراہمی یقینی بنائی جائے تمام اسسٹنٹ کمشنرز اپنی اپنی تحصیلوں میں پیٹرول پمپس کا دورہ کریں اور شہریوں کو پیٹرولیم مصنوعات کی فراہمی نہ کرنے والے پیٹرول پمپس کے خلاف کاروائی عمل میں لائی جائے اس سلسلہ میں اسسٹنٹ کمشنر گجرات احسن ممتاز اور ریونیو اسٹاف نے تحصیل گجرات ،اسسٹنٹ کمشنر سلمان اکبر نے تحصیل کھاریاں اور اسسٹنٹ کمشنر سرائے عالمگیر محمد عضمان نے تحصیل سرائے عالمگیر میں قائم مختلف پیٹرول پمپس کا دورہ کیا اور شہریوں کو بلاتعطل پیٹرولیم مصنوعات کی فراہمی کا جائزہ لیااسسٹنٹ کمشنرز نے پیٹرول پمپس مالکان کو ہدایت دی کہ شہریوں کو بلاتعطل پیٹرولیم مصنوعات کی فراہمی یقینی بنائی جائے بصورتِ دیگر سخت کاروائی عمل میں لائی جائے گی