ایڈیشنل ڈپٹی کمشنر ریونیو محمد اورنگزیب سدھو نے کہا دریائے توی کے کٹاو سے یوسی سرخ پور کو بچانے کے لیے بند بنایا جائے گا، اس حوالے سے محکمہ آبپاشی تکنیکی رپورٹ پیش کرے۔ان خیالات کا اظہار انہوں ڈسٹرکٹ ڈیزاسٹر منیجمنٹ کمیٹی کے اجلاس سے خطاب کرتے ہوئے کیا اسسٹنٹ کمشنرز احسن ممتاز، محمد عضمان، اس موقع پر موجود تھے۔ ایڈیشنل ڈپٹی کمشنر ریونیو محمد اورنگزیب سدھو نے کہا کہ دریائے توی کے کٹاو سے رنگڑا یوسی سرخ پور کا علاقہ متاثر ہو رہا ہے،دریا کے کٹاو سے علاقہ مکینوں کے نقصانات کا تخمینہ لگایا جارہا ہے۔ نقصانات کے ازالے کے لئے حکومت پنجاب کو درخواست کی جائے گی،انہوں نے کہا محکمہ آبپاشی جلد رپورٹ پیش کرے تاکہ بند بنانے کے کام کا جلد از جلد آغاز کیا جاسکے۔