ڈپٹی کمشنر ڈاکٹر خرم شہزاد نے کہا کہ تاجر برادری ضلعی انتظامیہ کی طرف سے اشیاء خورد نوش کی مقرر کردہ قیمتوں کا اطلاق یقینی بنائیں زائد وصولی پر جرمانے و مقدمات کا سامنا کرنا پڑ سکتا ہے۔ ان خیالات کا اظہار انہوں نے اشیائے خوردونوش کی قیمتوں کے تعین کے حوالے سے منعقدہ اجلاس کی صدارت کرتے ہوئے کیا، ڈی او انڈسٹریز وسیم ارشد، ڈی ایف سی نصراللہ خاں سمیت تاجر تنظیموں کے عہدران نے شرکت کی۔انہوں نے کہا تاجر برادری کی مشاورت شیاء خوردنوش کی قیمتوں کا تعین کیا گیا ہے، تمام دکاندار حضرات کریانہ مرچنٹ ان قیمتوں اشیائے خورودونوش پر فروخت کے پابند ہوں گے۔بصورت دیگر زائد وصولی کرنے والے تاجر حضرات کے خلاف مقدمات و جرمانے عائد کئے جائیں گے۔ ڈپٹی کمشنر ڈاکٹر خرم شہزاد نے ہدایت کی کہ تمام تاجر کریانہ مرچنٹ،سبزی و فروٹ فروش ضلعی انتظامیہ کی طرف سے جاری کردہ ریٹ لسٹ نمایاں جگہوں آویزاں کرنے کے پابند ہیں، مصنوعی مہنگائی کسی صورت برداشت نہیں کی جائے گی،ایسے عناصر کے خلاف سخت کاروائی عمل میں لائی جائے گی