ڈپٹی کمشنر ڈاکٹر خرم شہزاد نے ایڈمنسٹریٹر میونسپل کارپوریشن عامر شہزاد کنگ، چیف آفیسر قمر شہزاد کے ہمراہ شہر کے مختلف علاقوں کا دورہ کیا اوربارش کے بعد نکا سی آب کے حوالے سے اقداما ت کاجائزہ لیا، انہوں نے جیل چوک میں بنائی گئی ڈسپوزل کی غیر تسلی بخش کارکردگی پر سخت برہمی کا اظہار کیا اور واضع کیا کہ منصوبہ کی افادیت نہ ہونے کے حوالے سے باقاعدہ انکوائری کی جائے گی۔ وزیر اعلی پنجاب کی ہدایات کے مطابق نکاسی آب کے حوالے سے اقدامات کا جائزہ لینے کیلئے ڈپٹی کمشنر ڈاکٹر خرم شہزاد نے جیل چوک، رحمان شہید روڈ، کچہری روڈ، اندوروں شہر مختلف علاقوں کا معائنہ کیا اور وہاں نکاسی آب کیلئے کام میں مصروف میونسپل کارپوریشن کے عملہ کو ضروری ہدایات دیں۔ ڈپٹی کمشنر نے ہدایت کی کہ شہری علاقوں سے بارش کے پانی کے مکمل نکاس تک افسران خود فیلڈ میں موجود رہیں، جہاں ضروری ہو وہاں ڈی واٹرنگ سیٹ لگائے جائیں اسکے ساتھ ڈسپوزل اسٹیشنوں کو مکمل استعداد کے ساتھ چلایا جائے۔ انہوں نے بتایا کہ جیل چوک سیوریج منصوبہ کی انکوائری کا فیصلہ کیا جاچکا ہے اور اگر منصوبہ میں کوئی نقائض یا کوتاہی پائی گئی تو ذمہ داروں سے کوئی رعایت نہیں ہوگی