District Government Gujrat News Pakistan
website designing logo designing ui designing online software development website development on dpanel.co
ڈپٹی کمشنر سیف انور جپہ نے کہا کہ پلاسٹک بیگ کا استعمال ماحول کے لیے انتہائی خطرناک ہے یہ ہر قسم کی آلودگی کا باعث بن رہا ہے
District Government Gujrat News District Government Gujrat News District Government Gujrat News
ڈپٹی کمشنر سیف انور جپہ نے کہا کہ پلاسٹک بیگ کا استعمال ماحول کے لیے انتہائی خطرناک ہے یہ ہر قسم کی آلودگی کا باعث بن رہا ہے لاہور ہائی کورٹ کے فیصلے کے مطابق ضلع بھر میں شاپنگ بیگ کے استعمال پر پابندی عائد کردی گئی ہے خلاف ورزی کرنے والے کے خلاف سخت قانونی کاروائی عمل میں لائی جائے گی ان خیالات کا اظہار انہوں نے شاپنگ بیگ کے حوالے سے منعقد اعلی سطحی اجلاس کی صدارت کرتے ہوئے کیا اے سی سرائے عالمگیر احسن ممتاز،سی او میونسپل کارپوریشن گجرات محمد اشفاق،ڈاکٹر اعجاز بشیر،رابعہ اعجاز چیف امبیسڈر WASUP ٹائیگر فورس،انصاف ویلفیئر ونگ کے نمائندگان دیگر افسران اس موقع پر موجود تھے۔ڈپٹی کمشنر گجرات سیف انور جپہ نے کہا کے ضلعی انتظامیہ گجرات میں سے پلاسٹک بیگ کے استعمال اور اس کی خرید و فروخت کے عمل کو روکنے کیلئے پوری طرح متحرک ہے، اسسٹنٹ کمشنرز ضلع بھر میں باقاعدگی سے پلاسٹک بیگ کی خرید و فروخت کے خلاف کاروائی عمل میں لا رہے ہیں پہلے مرحلے میں ڈیلرز کا سٹاک ضبط کیا جا رہا ہے جبکہ اس کے بعد پابندی نہ کرنے والے دکاندار اور ڈیلر حضرات کے خلاف سخت کاروائی عمل میں لائی جائے گی اور دکانوں کو سیل بھی کیا جائے گا۔ ڈپٹی کمشنر نے WASUP اور انصاف ویلفیئر ونگ کے نمائدگان کی تجاویز سنی اور یقین دلایا کی ضلعی انتظامیہ این جی او کے ساتھ مل کر لائحہ تشکیل دے گی تاکہ ضلع بھر سے پلاسٹک بیگز کے خاتمہ سمیت شہر کو سر سبز اور صاف بنایا جاسکے۔